WOZE EDURBAN
Kunengoma eke yaculwa uProfessor noTzozo ethi, uma ufuna ubumnandi woze eDurban, cha babeqinisile kumnandi eDurban.
Ngeledlule ngithole isimemo sisuka kwaDurban Tourism, ngathi uma ngisibuka ngabona ukuthi angikwazi ukulahlekelwa yile ngqayizivele yethuba, kwazise izinhlelo ababezoba nazo zaziconsisa amathathe.
Uhlelo lwakhona beluqala ngoLwesithathu luphele ngoLwesine. Bekuhlanganelwa ePlayhouse.
Kuzobaluleka ukuthi ngikuveze ukuthi bekune Media kanjalo nama Influencer.
Ngoba ngiwumuntu oqala ngokuzivocavoca ekuseni, angiyanga lapho okwakumele sihlangane khona, kodwa ngathi uma ngiqeda ukujima ngaphuthuma eVirginia Airport.
Ngafika kuqala, kwaphela imizuzwana laqhamuka ibhasi likaMasipala weTheku elivulwe phezulu.
Ngibe sengishiya imoto ngangena phakathi ebhasini.
Uyabazi ubuhle beTheku uhamba ngeHelicopter?
Ngingene ebhasini ngabingelela, hhay abantu ababekhona bangemukela ngenhliziyo emhlophe bekhona nengibaziyo, kwazise kwakugcwele izintatheli, abasakazi, abakwa Tourism kanjalo nabakwa Southern Sun ababengabanye babaxhasi balolu hambo.
Angidlali uma ngithi lihle iTheku. Empeleni ngiyazisaba izinto ezindiza emoyeni. Ozakwethu babelibele bengenile, iHelicopter ithatha nga 4, ngokovalo ngangilokhu ngihlehlile ngingagibeli.
Bagcina sebengibuza ukuthi kanti ngigibela nini. Yoh ngazidela kodwa uvalo lwangithi heqe.
Ngangena, emoyeni ulwandle luvele lube luhle kakhulu, libukeke kamnandi. Okunye ukwazi ukuzibonela kamnandi ubuhle beDurban North, ubone oHyper by the sea, Sun Coast ngisho neMoses Mabhida, ubhabha pha phezulu nebirds. Umshayeli ukeenza uzizwe ukuthi uphephile, isipiliyoni esihle lesiya, ngagcina ngifisa sengathi ingaqhubeka ize ifike eMlazi iHelicopter, phela lasekuphelile uvalo sengikujabulela ukuba kuyona.
Ubekhona noHlengiwe Dube oyiSenior Manager kwaTourism esibe nengxoxo ekhethekile naye wasithatha wasibeka ngenhloso yakho konke ebesihlangene ngakho.
Sibe sesidlulela eBeverly Hills Hotel, eMhlanga. Angisho nje ukuthi iWeather beyivumile, kwakushisa likhipha umkhovu etsheni. Singene eHotela, sifike sebesilindile, basemukela ngeziphuzo namathawula okusula umjuluko, phela besiphuma elangeni. Sibe sesinikwa izikhiye zasezindlini.
Kodwa ngaphambi kokuthi singene ezindlini sithole okuya ngasethunjini, saqeda lapho sayobeka izikhwama ezindlini. Sinikwe imizuzu engu 30 yokudonsa umoya, sageza sabe sesibuyela ezansi, phela bekune dinner.
Hhayke beseziwa lapho kudanswa kumnadi, hhaybo cishe ngakhohlwa, siqale ngokudweba, sibe sithi qabu eziphuzweni. Cha bengingazi ukuthi nginekhono elingaka lokudweba. Umdwebo wami ngiwubeke odongweni lakwami.
Ngesikhathi se dinner kunensizwa ebeyilokhu isishaya ngomculo, okuhle sonke besizazi izingoma ebeyizicula. Sibe sesiya kolala, indlu ebengikuyona ibheke ulwandle, nawe uyacabangake nje ukuthi uma uvuka kulesiya simo, uvuka ucabange ukuthi awunazinkinga.
NgoLwesine okuwusuku lokugcina, sisuke eBeverly saya eBay of Plenty, lapho besihamba ngezikuta ngasolwandle.
Ngikholwe uma ngithi lihle iTheku, senze lowomdlalo sibuka nabantu benza imidwebo ngesihlabathi nemibhalo emihle ngeTheku. Sibe sesiwelela eSouthern Sun Hotel. Hhay bebesilungiselele. Basemukele ngeziphuzo, kahle kahle besizodla ibreakfast. Umculo bewumnandi kakhulu, uDJ uyakwazi ukufunda abantu abadlalelayo, ubesikhethele izingoma esizidingayo. Beyimnandi kakhulu iBreakfast. Zikhona izintokazi ezinhle ebezidamane zibuza ukuthi, uright, akukho engingakutholela khona.
Ngibe sengihamba ngiyobhucungwa umzimba. Ngicele ukwenziwa izinyawo, yoh leyantokazi ingithathe yangibeka, ngabona nokubaluleka kokubhucungwa, cha ngiyabuyela.
Abakwa Southern Sun basichazele nange hotela nanokuthi kuyimanje baqedela ukwakha izingxenye ezithize ukukhuphula izinga, abanye bozakwethu bavele bakhumula bangena kwi swimming pool lasho idadamu.
Awukwazi ukuhambela iTheku ungadluli e-Ushaka Marine, nathi senze njalo, kuvele kwamnandi ngendlela eyisimanga. Abakwa Tourism bayayihlela into yabo, sehle ebhasini sahamba sayongena lapho ebebesilindele khona. Nakhona ozakwethu ikakhulu baseGoli bathe ngibonwa yini ngesikhathi bebona izindawo zokubhukuda. Bekumnandi kakhulu kodwa nokukhathala sekuzwakala.
Sibe sesiphelela eMdloti, eTyler's sesizodla iLunch, yinhle leyandawo nawe ungayihambela nabangani noma nomndeni wakho, uzoyithokozela.
Abahlobo bethu baseGoli besekumele baphuthume indiza, kube sekuqhuma ama hugs sekuvaleliswana kushintshwana nangezinamba nathi sagcina sigodukile.
Bewufuna ubumnandi, woze eDurban. Asibonge kwiDurban Tourism kanjalo nabakwa Southern Sun. Sobuye sibonane.
Ngeledlule ngithole isimemo sisuka kwaDurban Tourism, ngathi uma ngisibuka ngabona ukuthi angikwazi ukulahlekelwa yile ngqayizivele yethuba, kwazise izinhlelo ababezoba nazo zaziconsisa amathathe.
Uhlelo lwakhona beluqala ngoLwesithathu luphele ngoLwesine. Bekuhlanganelwa ePlayhouse.
Kuzobaluleka ukuthi ngikuveze ukuthi bekune Media kanjalo nama Influencer.
Ngoba ngiwumuntu oqala ngokuzivocavoca ekuseni, angiyanga lapho okwakumele sihlangane khona, kodwa ngathi uma ngiqeda ukujima ngaphuthuma eVirginia Airport.
Ngafika kuqala, kwaphela imizuzwana laqhamuka ibhasi likaMasipala weTheku elivulwe phezulu.
Ngibe sengishiya imoto ngangena phakathi ebhasini.
Uyabazi ubuhle beTheku uhamba ngeHelicopter?
Ngingene ebhasini ngabingelela, hhay abantu ababekhona bangemukela ngenhliziyo emhlophe bekhona nengibaziyo, kwazise kwakugcwele izintatheli, abasakazi, abakwa Tourism kanjalo nabakwa Southern Sun ababengabanye babaxhasi balolu hambo.
Angidlali uma ngithi lihle iTheku. Empeleni ngiyazisaba izinto ezindiza emoyeni. Ozakwethu babelibele bengenile, iHelicopter ithatha nga 4, ngokovalo ngangilokhu ngihlehlile ngingagibeli.
Bagcina sebengibuza ukuthi kanti ngigibela nini. Yoh ngazidela kodwa uvalo lwangithi heqe.
Ngangena, emoyeni ulwandle luvele lube luhle kakhulu, libukeke kamnandi. Okunye ukwazi ukuzibonela kamnandi ubuhle beDurban North, ubone oHyper by the sea, Sun Coast ngisho neMoses Mabhida, ubhabha pha phezulu nebirds. Umshayeli ukeenza uzizwe ukuthi uphephile, isipiliyoni esihle lesiya, ngagcina ngifisa sengathi ingaqhubeka ize ifike eMlazi iHelicopter, phela lasekuphelile uvalo sengikujabulela ukuba kuyona.
Ubekhona noHlengiwe Dube oyiSenior Manager kwaTourism esibe nengxoxo ekhethekile naye wasithatha wasibeka ngenhloso yakho konke ebesihlangene ngakho.
Sibe sesidlulela eBeverly Hills Hotel, eMhlanga. Angisho nje ukuthi iWeather beyivumile, kwakushisa likhipha umkhovu etsheni. Singene eHotela, sifike sebesilindile, basemukela ngeziphuzo namathawula okusula umjuluko, phela besiphuma elangeni. Sibe sesinikwa izikhiye zasezindlini.
Kodwa ngaphambi kokuthi singene ezindlini sithole okuya ngasethunjini, saqeda lapho sayobeka izikhwama ezindlini. Sinikwe imizuzu engu 30 yokudonsa umoya, sageza sabe sesibuyela ezansi, phela bekune dinner.
Hhayke beseziwa lapho kudanswa kumnadi, hhaybo cishe ngakhohlwa, siqale ngokudweba, sibe sithi qabu eziphuzweni. Cha bengingazi ukuthi nginekhono elingaka lokudweba. Umdwebo wami ngiwubeke odongweni lakwami.
Ngesikhathi se dinner kunensizwa ebeyilokhu isishaya ngomculo, okuhle sonke besizazi izingoma ebeyizicula. Sibe sesiya kolala, indlu ebengikuyona ibheke ulwandle, nawe uyacabangake nje ukuthi uma uvuka kulesiya simo, uvuka ucabange ukuthi awunazinkinga.
NgoLwesine okuwusuku lokugcina, sisuke eBeverly saya eBay of Plenty, lapho besihamba ngezikuta ngasolwandle.
Ngikholwe uma ngithi lihle iTheku, senze lowomdlalo sibuka nabantu benza imidwebo ngesihlabathi nemibhalo emihle ngeTheku. Sibe sesiwelela eSouthern Sun Hotel. Hhay bebesilungiselele. Basemukele ngeziphuzo, kahle kahle besizodla ibreakfast. Umculo bewumnandi kakhulu, uDJ uyakwazi ukufunda abantu abadlalelayo, ubesikhethele izingoma esizidingayo. Beyimnandi kakhulu iBreakfast. Zikhona izintokazi ezinhle ebezidamane zibuza ukuthi, uright, akukho engingakutholela khona.
Ngibe sengihamba ngiyobhucungwa umzimba. Ngicele ukwenziwa izinyawo, yoh leyantokazi ingithathe yangibeka, ngabona nokubaluleka kokubhucungwa, cha ngiyabuyela.
Abakwa Southern Sun basichazele nange hotela nanokuthi kuyimanje baqedela ukwakha izingxenye ezithize ukukhuphula izinga, abanye bozakwethu bavele bakhumula bangena kwi swimming pool lasho idadamu.
Awukwazi ukuhambela iTheku ungadluli e-Ushaka Marine, nathi senze njalo, kuvele kwamnandi ngendlela eyisimanga. Abakwa Tourism bayayihlela into yabo, sehle ebhasini sahamba sayongena lapho ebebesilindele khona. Nakhona ozakwethu ikakhulu baseGoli bathe ngibonwa yini ngesikhathi bebona izindawo zokubhukuda. Bekumnandi kakhulu kodwa nokukhathala sekuzwakala.
Sibe sesiphelela eMdloti, eTyler's sesizodla iLunch, yinhle leyandawo nawe ungayihambela nabangani noma nomndeni wakho, uzoyithokozela.
Abahlobo bethu baseGoli besekumele baphuthume indiza, kube sekuqhuma ama hugs sekuvaleliswana kushintshwana nangezinamba nathi sagcina sigodukile.
Bewufuna ubumnandi, woze eDurban. Asibonge kwiDurban Tourism kanjalo nabakwa Southern Sun. Sobuye sibonane.
