OSOMABHIZINISI ABANCANE ETHUBENI LOKUWINA IMIKLOMELO

BASETHUBENI lokuhlomula ngomklomelo weDurban Business Fair Excellence Awards 2025, osomabhizinisi abangaphansi kohlelo lukaMasipala weTheku iSMME, okuwuhlelo lokuthuthukisa osomabhizinisi abancane.

Labo somabhizinisi bangakwazi ukuziqoka noma ukuqokana bodwa, ukuze bazibeke  ethubeni elingcono lokunqoba, iDurban Business Fair Excellence Awards 2025.

Lomklomelo owokubungaza nokuqhakambisa umsebenzi owenziwa osomabhizinisi bendawo. Kulindeleke ukuthi kuvalwe ngomhlaka 18 September 2025, ukuqoka abazongenela umbango walo mklomelo.