KUVALE IZITOLO KUQHUBEKA UMKHANKASO WOKUHLOLA AMABHIZINISI

LINDOKUHLE NGCOBO 

INQWABA yezitolo eziphethwe ngosomabhizinisi bakwamanye amazwe eThekwini, bezivalile namhlanje ngesikhathi kuqhubeka umkhankaso wokuhlola amabhizinisi.

Lo mkhankaso ubuholwa amaphoyisa kaMasipala weTheku ngokubambisana namaphoyisa kazwelonke.

Abomthetho baniqisekisa ukuthi lolu hlobo lokuhlola izitolo luzoqhubeka njalo. Inhloso ukubheka ukuthi amabhizinisi anezincwadi ezisemthethweni yini, ukuhlonishwa kwemithetho kaMasipala, nokuthi ngabe abaqaphi baqasha izisebenzi ngokufanele.