OBEQEQESHA ETANZANIA UCHAZA NGESINQUMO SAKHE
Umqeqeshi wakuleli odumile uManqoba Mngqithi, uphumele obala ngesinqumo esishubile sokunqanyulwa kwesivumelwano sakhe neqembu laseTanzania, iYoung Africans (Yanga SC).
Ekhuluma engxoxweni ekhethekile neMetro FM ohlelweni iSports Night Amplified uMngqithi owayenguMqeqeshi weMamelodi Sundowns FC neLamontville Golden Arrows FC, udalule ukuthi ubuze abaphathi ngezinto athi zidla lubi kuleli qembu. Wabatshela ukuthi iqembu lidinga ukukhulisa izinhlaka zalo zokusebenza njengabasebenzi abakhokhelwayo.
ESITHOMBENI:Umqeqeshi wakuleli uManqoba Mngqithi
"KwiYanga, sekuyinto ejwayelekile ukuthi umdlali engenzi ukuzoziqeqesha neqembu, kanti azikho izinyathelo eziqinile zokuqondiswa kwezigwegwe ezithathwayo. Ngibona ukuthi lezi zinto zizolimaza iqembu ekugcineni. Iqiniso lithi abaphathi bebazi ukuthi u-Aziz ubaluleke kangakanani eqenjini. Okungase kube yiqiniso ukuthi kungenzeka ukuthi u-Aziz ukhulume namalungu athile abaphathi eveza ukuthi akathandi ukudlala ngaphansi kwesitayela sami," kuchaza uMngqithi.
Ukushiya kukaMngqithi kushiye abaningi bemangele ngenxa yokuthi ubeshiye irekhodi elihle emidlalo ewu-13, unqobe ewu-10, wadlala ngokulingana kabili, wahlulwa kowodwa, wafaka leli qembu esigabeni samaqoqo se-CAF Champions League.
Mayelana nabasizi okunguSimo Dladla noKagisho Dikgacoi abasale ngemuva eTanzania, uMngqithi uchaze ukuthi lokhu kudalwa izinkontileka zesimanje eziqinile. Uthe uma iqembu likuxosha, liyakukhokhela kodwa uma unquma ukuhamba ngokwakho kumele ulihlawule imali yezinyanga ezimbili noma ezintathu. Ngakho-ke, ubanikeze imvume yokuthi basale ukuze bangalahlekelwa yizimali zabo ngenkathi iqembu lisahlunga umqeqeshi omusha.
Ekhuluma engxoxweni ekhethekile neMetro FM ohlelweni iSports Night Amplified uMngqithi owayenguMqeqeshi weMamelodi Sundowns FC neLamontville Golden Arrows FC, udalule ukuthi ubuze abaphathi ngezinto athi zidla lubi kuleli qembu. Wabatshela ukuthi iqembu lidinga ukukhulisa izinhlaka zalo zokusebenza njengabasebenzi abakhokhelwayo.
"KwiYanga, sekuyinto ejwayelekile ukuthi umdlali engenzi ukuzoziqeqesha neqembu, kanti azikho izinyathelo eziqinile zokuqondiswa kwezigwegwe ezithathwayo. Ngibona ukuthi lezi zinto zizolimaza iqembu ekugcineni. Iqiniso lithi abaphathi bebazi ukuthi u-Aziz ubaluleke kangakanani eqenjini. Okungase kube yiqiniso ukuthi kungenzeka ukuthi u-Aziz ukhulume namalungu athile abaphathi eveza ukuthi akathandi ukudlala ngaphansi kwesitayela sami," kuchaza uMngqithi.
Ukushiya kukaMngqithi kushiye abaningi bemangele ngenxa yokuthi ubeshiye irekhodi elihle emidlalo ewu-13, unqobe ewu-10, wadlala ngokulingana kabili, wahlulwa kowodwa, wafaka leli qembu esigabeni samaqoqo se-CAF Champions League.
Mayelana nabasizi okunguSimo Dladla noKagisho Dikgacoi abasale ngemuva eTanzania, uMngqithi uchaze ukuthi lokhu kudalwa izinkontileka zesimanje eziqinile. Uthe uma iqembu likuxosha, liyakukhokhela kodwa uma unquma ukuhamba ngokwakho kumele ulihlawule imali yezinyanga ezimbili noma ezintathu. Ngakho-ke, ubanikeze imvume yokuthi basale ukuze bangalahlekelwa yizimali zabo ngenkathi iqembu lisahlunga umqeqeshi omusha.
