UZOVELA ENKANTOLO OSOLWA NGOKUZAMA UKUBULALA INDODAKAZI 'YAKHE'

LINDOKUHLE NGCOBO 

KULINDELEKE ukuthi avele namuhla enkantolo yeMantshi yaseProtea, eGoli owesilisa oneminyaka engu-32 ubudala, osolwa ngokuzama ukubulala indodakazi yakhe eneminyaka engu-4 ubudala

Umsolwa uboshwe ngoLwesithathu endaweni yase-Eldorado Park. Kulandela ukuthi lo msolwa atholakale endlini nengane yentombazane elimele ekhanda,  emzimbeni nasesweni.

Ngokusho kwamaphoyisa umsolwa uhlulekile ukuchaza ukuthi kwenzakaleni enganeni. Lokhu kuholele ekutheni lo wesilisa aboshwe, amaphoyisa abe esephuthumisa ingane esikhungweni sezempilo. 

Kulo leli cala uphenyo lophiko  lweFCS, seluholele ekutheni kuboshwe unina kamgilwa, osolwa ngokuzama ukuvimba ukusebenza kwengalo yomthetho.