UZOTHWANE NESEXWAYISO ESISHUBILE KWI-PIRATES

UMQEQESHI weRichards Bay FC usekhiphe isexwayiso kwi-Orlando Pirates FC, abazobhekana nayo(Richards Bay FC) emdlalweni weBetway Premiership kusasa ngehora lesi 19h30 ntambama, eMhlathuze Sports Complex,  eRichards Bay.

Esitatimendeni esikhishwe iBay namuhla, uZothwane uthe kuzoba umdlalo onzima lona ngoba Amabhakabhaka asembangweni weligi. 

"Siyazi ukuthi akulula ukudlala nathi ekhaya(Richards Bay FC), ngoba akukho lula ukusehlula. Abangenzi lana becabanga ukuthi bazosehlula kalula. Kuzoba umdlalo onzima sikulungele ukubhekana nabo," kubeka uZothwane.

I-Natal Rich Boyz iya kulo  mdlalo ihambela phezulu, ngemuva kokushaya iStellenbosch FC ngo 2-1 ngoLwesibili.  Ngokunjalo nePirates inokuzethemba, ngemuva kokushaya  iLamontville Golden Arrows ngo 5-0, e-Orlando Amstel Arena ngoLwesibili.