UZOFIHLWA NGOHLELO LUKAHULUMENI UMTHETHWA

UZOHLONISHWA ngomngcwabo kahulumeni wesigaba sesibili uMnuz Nkosinathi Mthethwa, ngeSonto mhlaka 12 October 2025, KwesakwaMthethwa, eMpangeni. 

Lokhu kumenyezelwe ngokusemthethweni uMengameli wakuleli uMnuz Cyril Ramaphosa  namuhla. 
 
UMthethwa ubeyinxusa lakuleli eFrance, ushone ngenyanga edlule (30 September), endaweni yaseParis, eFrance eneminyaka engu-58 ubudala. Ngemuva kokuqokwa kulesi sikhundla  ngoDecember 2023 kwelokuba inxusa.

Ngaphambi kokuthi uMthethwa abeyinxusa, usebenze kuhulumeni iminyaka engu 15. Nokuyilapho abenguNgqongqoshe wezeMidlalo, ubuCiko namaSiko kuleli waphinde wabanguNgqongqoshe wamaphoyisa kuleli. 

UMengameli udlulise  amazwi enduduzo kunkosikazi kaMthethwa, uNksz Philisiwe Buthelezi nasemndenini wakwaMthethwa.


Khonamanjalo uNdunankulu waKwaZulu-Natal uMnuz Thamsanqa Ntuli nekhabhinethi yakhe, bavakashele umndeni kaMthethwa namuhla, ngenhloso yokuyobhonga emswaneni.

Kulindeleke ukuthi Isidumbu sikaMthethwa sibuyiswe kuleli kusasa ngoLwesine.