USUKAZI UTHI NOMA KANJANI UYAQHUBEKA UPARKER
LINDOKUHLE NGCOBO
Umphathi weTS Galaxy FC uTim Sukazi uqinisekise ngokusemthethweni ukuthi uBernard Parker usezoqeqesha ngokugcwele iqembu lakhe(Sukazi) ngesizini ka-2026/27, eshintsha isinqumo sakhe (Sukazi) sangaphambilini.
USukazi utshele iTimesLIVE ukuthi lesi sinqumo “siyinto enengqondo” ngemuva kokuthi uParker asindise iqembu ezembeni ngasekupheleni kwesizini edlule.
"Asikho isidingo sokuchaza kakhulu, kumele usebenzise ingqondo nezizathu. Silana njengamanje sinomqeqeshi osemncane, waseNingizimu Afrika, oyinkakha yebhola eseqopheleni eliphezulu. Wenze umsebenzi omuhle ngemuva kokunganqobi kwethu emdlalweni engu 10, ilandelana," kuchaza uSukazi.
Sekungumlando ukuthi ekuqaleni kukaMay 2026, uSukazi wayekuphikile ukuthi uParker uzothola isikhundla esigcwele, ethi iklabhu izoqoka kuphela umqeqeshi one-UEFA Pro Licence noma i-CAF A.
UParker uthathe isikhundla sokuba ngumqeqeshi wesikhashana ngo-April ngemuva kokuxoshwa kuka-Adnan Beganovic.
Ngaphansi kukaParker, iqembu likwazi ukuqoqa amaphuzu emdlalweni emihlanu yokugcina yeligi yeBetway Premiership. AmaRockets, adlale ngokulingana neMagesi FC, Marumo Gallants FC, Chippa United neLamontville Golden Arrows FC, anqoba ngo 1-0 kwiMamelodi Sundowns FC.
I-Galaxy iphinde yafinyelela kowamanqamu weNedbank Cup ngaphansi kukaParker, lapho yahlulwa khona ngo 2-1 yiDurban City.
UParker owayengukaputeni weKaizer Chiefs nomdlali weBafana Bafana, udlalele iGalaxy ngaphambi kokuthi athathe umhlalaphansi ngonyaka ka-2024. Ubuye waba ngumqeqeshi wesikole sentsha sekilabhu.
Umphathi weTS Galaxy FC uTim Sukazi uqinisekise ngokusemthethweni ukuthi uBernard Parker usezoqeqesha ngokugcwele iqembu lakhe(Sukazi) ngesizini ka-2026/27, eshintsha isinqumo sakhe (Sukazi) sangaphambilini.
USukazi utshele iTimesLIVE ukuthi lesi sinqumo “siyinto enengqondo” ngemuva kokuthi uParker asindise iqembu ezembeni ngasekupheleni kwesizini edlule.
"Asikho isidingo sokuchaza kakhulu, kumele usebenzise ingqondo nezizathu. Silana njengamanje sinomqeqeshi osemncane, waseNingizimu Afrika, oyinkakha yebhola eseqopheleni eliphezulu. Wenze umsebenzi omuhle ngemuva kokunganqobi kwethu emdlalweni engu 10, ilandelana," kuchaza uSukazi.
Sekungumlando ukuthi ekuqaleni kukaMay 2026, uSukazi wayekuphikile ukuthi uParker uzothola isikhundla esigcwele, ethi iklabhu izoqoka kuphela umqeqeshi one-UEFA Pro Licence noma i-CAF A.
UParker uthathe isikhundla sokuba ngumqeqeshi wesikhashana ngo-April ngemuva kokuxoshwa kuka-Adnan Beganovic.
Ngaphansi kukaParker, iqembu likwazi ukuqoqa amaphuzu emdlalweni emihlanu yokugcina yeligi yeBetway Premiership. AmaRockets, adlale ngokulingana neMagesi FC, Marumo Gallants FC, Chippa United neLamontville Golden Arrows FC, anqoba ngo 1-0 kwiMamelodi Sundowns FC.
I-Galaxy iphinde yafinyelela kowamanqamu weNedbank Cup ngaphansi kukaParker, lapho yahlulwa khona ngo 2-1 yiDurban City.
UParker owayengukaputeni weKaizer Chiefs nomdlali weBafana Bafana, udlalele iGalaxy ngaphambi kokuthi athathe umhlalaphansi ngonyaka ka-2024. Ubuye waba ngumqeqeshi wesikole sentsha sekilabhu.