USETHOLAKELE USOMABHIZINISI OBETHUNJIWE
LINDOKUHLE NGCOBO
LUTHELE izithelo ezinhle uphenyo lwamaphoyisa abethungatha usomabhizinisi wesilisa obethunjiwe.
Kulandela ukuthi abakwasidlodlo bathole lo somabhizinisi endaweni yase-Alexandra, eGoli namuhla entathakusa. Lo wesilisa ubuyiselwe emndenini wakhe ephephile.
Kuvela ukuthi amaphoyisa adubule abulala osolwa ngokuba ngungqondongqondo kuleli cala lokuthunjwa kwalo somabhizinisi, emgwaqeni uR21 Kempton Park, eGoli izolo.
Lo msolwa obizwa ngegama lika "Dollarman " ubevele ethungathwa ngabomthetho ngenxa yamacala okuthumba okusolakala ukuthi uyathinteka kuwo enzeka kuleli naseMozambique. Kukholakala ukuthi eMozambique uthinteka emacaleni okuthumba ayinqwaba kanti kuleli ubefunelwa amacala okuthumba amahlanu, owokugqekeza, ukuduna izimoto nokuba nezibhamu ezingekho emthethweni.
"Kusukela ngoJuly 2021 sekuboshwe abantu abangaphezulu kuka-337 ngamacala okuthumba. Kulawa macala amaphoyisa athole izibhamu ezingekho emthethweni ezingaphezulu kuka-146," ngokusho kwesitatimendi samaphoyisa.
LUTHELE izithelo ezinhle uphenyo lwamaphoyisa abethungatha usomabhizinisi wesilisa obethunjiwe.
Kulandela ukuthi abakwasidlodlo bathole lo somabhizinisi endaweni yase-Alexandra, eGoli namuhla entathakusa. Lo wesilisa ubuyiselwe emndenini wakhe ephephile.
Kuvela ukuthi amaphoyisa adubule abulala osolwa ngokuba ngungqondongqondo kuleli cala lokuthunjwa kwalo somabhizinisi, emgwaqeni uR21 Kempton Park, eGoli izolo.
Lo msolwa obizwa ngegama lika "Dollarman " ubevele ethungathwa ngabomthetho ngenxa yamacala okuthumba okusolakala ukuthi uyathinteka kuwo enzeka kuleli naseMozambique. Kukholakala ukuthi eMozambique uthinteka emacaleni okuthumba ayinqwaba kanti kuleli ubefunelwa amacala okuthumba amahlanu, owokugqekeza, ukuduna izimoto nokuba nezibhamu ezingekho emthethweni.
"Kusukela ngoJuly 2021 sekuboshwe abantu abangaphezulu kuka-337 ngamacala okuthumba. Kulawa macala amaphoyisa athole izibhamu ezingekho emthethweni ezingaphezulu kuka-146," ngokusho kwesitatimendi samaphoyisa.