USEFUNA IHHASHI LAKHE NGQO UMGIBELI WAMAHHASHI
LINDOKUHLE NGCOBO
Ufuna ukuba ngumnikazi wamahhashi umgibeli wamahhashi wesifazane, uNolwazi Nxumalo oneminyaka engu-20 ubudala, wase-Elandskop, eMgungundlovu.
Le ntokazi egibele ihhashi elingu-Imfenemavovo, ibingenele uMjaho wesithupha emcimbini womtelobhelo wamahhashi iDundee July, eNdumeni Horse Racing Track, eDundee namhlanje, itshele iNews Avenue ukuthi njengoba ifunda eKapa isebenze, inenjongo yokonga imali ukuze ithenge ihhashi layo.
"Eminyakeni emibili, emithathu ezayo ngiyazibona nginehhashi lami, ngoba khona imisebenzi engiyibambayo. Kukhona imali engiyitholayo, mhlawumbe nami ngingakwazi ukuthola ihhashi lami, ngize lana eDundee ngincintisane nabanye. Empeleni ngiyabona ukuthi nami ngingaba namahhashi ami," kusho uNxumalo ozakhele igama kulo mjaho(Dundee July) wamahhashi ngemuva kokuwunqoba ngo-2021.
Ngeshwa likaNxumalo kulo nyaka ihhashi aligibelayo liyaxhuga.
Lo mcimbi ohambisana nemfashini uhlelwe uMnyango ezeMidlalo, ezobuCiko namaSiko KwaZulu-Natal, oholwa nguNgqongqoshe uMnuz uMntomuhle Khawula. Umjaho omkhulu oxhaswe Amathole Funerals, unqotshwe ihhashi elingu-Impendulo eligitshelwa uSiyabonga Mabaso, eliwine imali engu-R600 000. Kwathi umjaho owandulela omkhulu oxhaswe iHollywoodbets, unqotshwe ihhashi elingu-uMbayimbayi eligitshelwa uMelusi Gamade, owine imali engu-R300 000.
Ufuna ukuba ngumnikazi wamahhashi umgibeli wamahhashi wesifazane, uNolwazi Nxumalo oneminyaka engu-20 ubudala, wase-Elandskop, eMgungundlovu.
Le ntokazi egibele ihhashi elingu-Imfenemavovo, ibingenele uMjaho wesithupha emcimbini womtelobhelo wamahhashi iDundee July, eNdumeni Horse Racing Track, eDundee namhlanje, itshele iNews Avenue ukuthi njengoba ifunda eKapa isebenze, inenjongo yokonga imali ukuze ithenge ihhashi layo.
"Eminyakeni emibili, emithathu ezayo ngiyazibona nginehhashi lami, ngoba khona imisebenzi engiyibambayo. Kukhona imali engiyitholayo, mhlawumbe nami ngingakwazi ukuthola ihhashi lami, ngize lana eDundee ngincintisane nabanye. Empeleni ngiyabona ukuthi nami ngingaba namahhashi ami," kusho uNxumalo ozakhele igama kulo mjaho(Dundee July) wamahhashi ngemuva kokuwunqoba ngo-2021.
Ngeshwa likaNxumalo kulo nyaka ihhashi aligibelayo liyaxhuga.
Lo mcimbi ohambisana nemfashini uhlelwe uMnyango ezeMidlalo, ezobuCiko namaSiko KwaZulu-Natal, oholwa nguNgqongqoshe uMnuz uMntomuhle Khawula. Umjaho omkhulu oxhaswe Amathole Funerals, unqotshwe ihhashi elingu-Impendulo eligitshelwa uSiyabonga Mabaso, eliwine imali engu-R600 000. Kwathi umjaho owandulela omkhulu oxhaswe iHollywoodbets, unqotshwe ihhashi elingu-uMbayimbayi eligitshelwa uMelusi Gamade, owine imali engu-R300 000.