USAZOBHADLA ESITOKISINI OSOLWA NGOKUBULALA ABAFUNDI ABANGU 14

USAZOHLALA esitokisini umshayeli obhekene necala lokubulala abafundi besikole abangu 14.

 U-Ayanda Dludla oneminyaka engu 22 ubudala, uvele namuhla eNkantolo yeMantshi eVanderbijlpark, eGoli. Umbuso unqabele lo msolwa ibheyili,  icala lakhe lihlehlele umhlaka 22 April 2026.

Abafundi abangu 14, bashona ngesikhathi itekisi ebebehamba ngayo ishayisana neloli eVanderbijlpark ngoJanuary. UDludla nguyena owayeshayela leli tekisi, usolwa ngokuba ubudedengu nokuzama ukudlula inqwaba yezimoto.