USAGQUNYWE ESITOKISINI USERGEANT NKOSI

USAGCINWE esitokisini uSergeant Fannie Nkosi, ngemuva kokuvela enkantolo kaMantshi ePitoli namuhla.

 UNkosi osamisiwe embuthweni wamaPhoyisa, uyilungu lophiko lobugebengu obuhleliwe eGauteng, uboshwe ngesonto. Kulandela ukugasela kwabomthetho emzini wakhe(uNkosi) ePitoli. UNkosi uboshelwe ukutholakala nenqwaba yezimpahla ezingekho emthethweni, kuzo kubalwa amaphepha amadokhethi, izibhamu, izinhlamvu nozankosi. UMantshi uRene Benter wale waphetha ukuthi abezindaba bathathe izithombe zomsolwa.

 Umbuso unqabile ukulalela isicelo sebheyili, uNkosi uzogcinwa egumbini labagulayo, ejele iKgosi Mampuru, ePitoli.

Icala lihlehliselwe usuku lwangoMsombuluko mhlaka 13 April 2026, nokuyilapho kulindeleke ukuthi abameli bakaNkosi bafake isicelo sebheyili.