UNDUNANKULU UBAFAKELA I-SIU ONGQONGQOSHE BE-ANC
LINDOKUHLE NGCOBO
LUYAQHUBEKA uphenyo mayelana noNgqongqoshe ababili bakwaZulu-Natal(KZN) abasolwa ngokukhwabanisa amathenda.
Lokhu kuvezwe uNdunankulu waseKZN uMnuz Thamsanqa Ntuli namuhla esithangamini sabezindaba, eThe Marine Buildings, eThekwini.
Bekubhekwe ukuthi uNtuli amemezele isinqumo asithathile njengoba kade waqala ukwenza lolu uphenyo, oluthinta uNgqongqoshe wezeMpilo eKZN, uNksz Nomagugu Simelane-Mngadi noNgqongqoshe wezeMfundo eKZN uMnuz Sipho Hlomuka.
USimelane-Mngadi usolwa ngokusebenzisa isikhundla sakhe ukuthola uxhaso enkampanini yomndeni wakhe. Kuzokhumbuleka ukuthi uSimelane-Mngadi wavuma kwabezindaba ukuthi naye uyingxenye yamalungu ale nkampani.
UHlomuka usolwa ngokukhwabanisa amathenda ohlelweni lokuhlinzekwa ngokudla ezikoleni elibiza imali engu-R2.9 billion. Kwaphinde kwavela nezinsolo zokuthi inkampani kanina ingenye yezinkampani ezikhona kulolu hlelo.
"Udaba lokuphakela izikole lwathola izikhalo ezingaphezulu kuka-900. UMnyango kamgcinimafa iwona onelungelo lokucubungula izikhalo. Usawacubungula ngenxa yokuthi ziningi izikhalo ingakho kungasheshi ukuphothula. Engikwaziyo uNgqongqoshe(uHlomuka) uphumele obala wangitshela ukuthi umama wakhe
sewasula," kuchaza uNtuli.
Ngakolunye uhlangothi uNtuli uveze ukuthi okwamanje igama likaSimelane-Mngadi aliveli enkampanini yakubo.
"Ngambuza uNgqongqoshe ukuthi kungani pho kwabezindaba wavuma eyokuba ilungu lale nkampani. Wathi wayecabanga ukuthi ufakiwe ngoba yavulwa esemncane," kusho uNtuli.
LUYAQHUBEKA uphenyo mayelana noNgqongqoshe ababili bakwaZulu-Natal(KZN) abasolwa ngokukhwabanisa amathenda.
Lokhu kuvezwe uNdunankulu waseKZN uMnuz Thamsanqa Ntuli namuhla esithangamini sabezindaba, eThe Marine Buildings, eThekwini.
Bekubhekwe ukuthi uNtuli amemezele isinqumo asithathile njengoba kade waqala ukwenza lolu uphenyo, oluthinta uNgqongqoshe wezeMpilo eKZN, uNksz Nomagugu Simelane-Mngadi noNgqongqoshe wezeMfundo eKZN uMnuz Sipho Hlomuka.
USimelane-Mngadi usolwa ngokusebenzisa isikhundla sakhe ukuthola uxhaso enkampanini yomndeni wakhe. Kuzokhumbuleka ukuthi uSimelane-Mngadi wavuma kwabezindaba ukuthi naye uyingxenye yamalungu ale nkampani.
UHlomuka usolwa ngokukhwabanisa amathenda ohlelweni lokuhlinzekwa ngokudla ezikoleni elibiza imali engu-R2.9 billion. Kwaphinde kwavela nezinsolo zokuthi inkampani kanina ingenye yezinkampani ezikhona kulolu hlelo.
"Udaba lokuphakela izikole lwathola izikhalo ezingaphezulu kuka-900. UMnyango kamgcinimafa iwona onelungelo lokucubungula izikhalo. Usawacubungula ngenxa yokuthi ziningi izikhalo ingakho kungasheshi ukuphothula. Engikwaziyo uNgqongqoshe(uHlomuka) uphumele obala wangitshela ukuthi umama wakhe
sewasula," kuchaza uNtuli.
Ngakolunye uhlangothi uNtuli uveze ukuthi okwamanje igama likaSimelane-Mngadi aliveli enkampanini yakubo.
"Ngambuza uNgqongqoshe ukuthi kungani pho kwabezindaba wavuma eyokuba ilungu lale nkampani. Wathi wayecabanga ukuthi ufakiwe ngoba yavulwa esemncane," kusho uNtuli.