UMEC UGUBHE USUKU LOMSAKAZO

Lindokuhle Ngcobo 

KUQHAKANJISWE ukubaluleka komsakazo namuhla emcimbini, iWorld Radio Day, eKZN eMusic House,   eThekwini. 

Lo mcimbi ubuholwa uNgqongqoshe wezeMidlalo ezobuCiko namaSiko KwaZulu-Natal(KZN) uMnuz Mntomuhle Khawula.

UKhawula uveze ukuthi umsakazo usaqhubeka nokufundisa, ukwakha umphakathi, ukwazisa nokuhlanganisa isifundazwe iKZN.

Uphinde wethula ngokusemthethweni umcimbi  wamasonto amabili, ozozungeza zonke izindawo zaseKZN, iZulu Kingdom Experience.