UKHAWULA UNXUSA UMPHAKATHI WASE KZN UKUTHI USEKE AMAQEMBU WAWO

UNGQONGQOSHE wezeMidlalo ezobuCiko namaSiko KwaZulu-Natal(KZN) uMnuz Mntomuhle Khawula ucela abantu baseKZN ukuthi baseke amaqembu ebhola aseKZN.

Ekhuluma namuhla emcimbini iThe Creative Big Nexus, eNkosi Albert Luthuli International Convention Centre, eThekwini uKhawula, ugcizelele ukuthi iKZN isona sifundazwe esinamaqembu amaningi kwiBetway Premiership, ebala iLamontville Golden Arrows FC, AmaZulu FC, Durban City FC neRichards Bay FC.

"Isifundazwe saseGauteng sinamaqembu amathathu. Abantu bakwaZulu-Natal ibona abagcwalisa izinkundla zemidlalo. Uma amaqembu akithi edlala lana esifundazweni, ngeke ubone kubamatekisi asuka eGoli. Ithina nje esikhipha lana KwaZulu-Natal, esikhipha amatekisi siyogcwalisa izinkundla zaseGauteng, siyobuka i-Orlando Pirates iwina ngo 3-0. Bakwethu ngiyacela asiseke amaqembu akithi, asiphumeni emaqenjini aseGauteng," kubeka uKhawula.