UBROOS UGCULISEKILE NGOVALE ISIKHALA SIKA TITO KWIBAFANA
LINDOKUHLE NGCOBO
UMQEQESHI weBafana Bafana uHugo Broos, udalule ukuthi uyamethemba uSipho Mbule we-Orlando Pirates ovale isikhale sikazakwabo uPatrick "Tito" Maswanganyi olimele. UTito kuphoqeleke ukuthi ahoxiswe kwiBafana, kulandela ukuthi ukulimala kwakhe ngeSonto ngesikhathi iPirates ibhekene neChippa United emdlalweni weBetway Premiership eNelson Mandela Bay Stadium, eGqeberha.
Ekhuluma esithangamini sabezindaba eDobsonville Stadium, eSoweto izolo ngaphambi komdlalo wokuhlungela iNdebe yoMhlaba ka-2026 neLesotho uBroos uthe uMbule ungumdlali oseqophelweni eliphezulu.
"Ungumdlali onesipiliyoni besifuna umdlali ozodlala endaweni kaThemba Zwane, sathola uTito manje naye (uTito) uselimele, sesithole uMbule oseqophelweni eliphezulu. Ngizokhuluma naye ngimtshele esikulindele kuye," kubeka uBroos.
Eqhuba lo mqeqeshi ukhale ngabadlali abalimele okubalwa ukaputeni wePirates uNkosinathi Sibisi nokaputeni weMamelodi Sundowns uThemba Zwane.
Okwamanje iBafana ihlezi phezulu eqoqweni lika-C ngamaphuzu angu-13 emdlalweni engu-6 izobhekana neLesotho ngoLwesihlanu mhlaka 5 September ngo-18h00 ntambama. ILesotho iyona izobe ingosokhaya kodwa lo mdlalo uzodlalelwa kuleli eDr Molemela Stadium, eBloemfontein, lokhu kungenxa yokungabikho kwenkundla eseqophelweni eliphezulu kuleliya lizwe.
Ngemuva kwalo mdlalo ezikaBroos zizokwamukela iNigeria ngoLwesibili mhlaka 9 September ngo-18h00 ntambama Free State Stadium, eBloemfontein.
UBroos uthe okwamanje kubalulekile ukuthi iBafana igxile emdlalweni weLesotho, ngemuva kwalo mdlalo bazobe sebecabanga ngeSuper Eagles.
Kuleli qoqo lika-C iBafana ilandelwa iRwanda neBenin abanaphuzu angu-8, iNigeria ihlezi endaweni yesine ngamaphuzu angu-7, iLesotho inamaphuzu angu-6 isendaweni yesihlanu kuthi emsileni kube iZimbabwe enamaphuzu angu-4 emdlalweni eyisithupha.
Kulindeleke ukuthi imidlalo yeNdebe yoMhlaba iqale kusukela ngomhlaka 11 June 2026 kuya ku-19 July 2026, eCanada, United States naseMexico.
UMQEQESHI weBafana Bafana uHugo Broos, udalule ukuthi uyamethemba uSipho Mbule we-Orlando Pirates ovale isikhale sikazakwabo uPatrick "Tito" Maswanganyi olimele. UTito kuphoqeleke ukuthi ahoxiswe kwiBafana, kulandela ukuthi ukulimala kwakhe ngeSonto ngesikhathi iPirates ibhekene neChippa United emdlalweni weBetway Premiership eNelson Mandela Bay Stadium, eGqeberha.
Ekhuluma esithangamini sabezindaba eDobsonville Stadium, eSoweto izolo ngaphambi komdlalo wokuhlungela iNdebe yoMhlaba ka-2026 neLesotho uBroos uthe uMbule ungumdlali oseqophelweni eliphezulu.
"Ungumdlali onesipiliyoni besifuna umdlali ozodlala endaweni kaThemba Zwane, sathola uTito manje naye (uTito) uselimele, sesithole uMbule oseqophelweni eliphezulu. Ngizokhuluma naye ngimtshele esikulindele kuye," kubeka uBroos.
Eqhuba lo mqeqeshi ukhale ngabadlali abalimele okubalwa ukaputeni wePirates uNkosinathi Sibisi nokaputeni weMamelodi Sundowns uThemba Zwane.
Okwamanje iBafana ihlezi phezulu eqoqweni lika-C ngamaphuzu angu-13 emdlalweni engu-6 izobhekana neLesotho ngoLwesihlanu mhlaka 5 September ngo-18h00 ntambama. ILesotho iyona izobe ingosokhaya kodwa lo mdlalo uzodlalelwa kuleli eDr Molemela Stadium, eBloemfontein, lokhu kungenxa yokungabikho kwenkundla eseqophelweni eliphezulu kuleliya lizwe.
Ngemuva kwalo mdlalo ezikaBroos zizokwamukela iNigeria ngoLwesibili mhlaka 9 September ngo-18h00 ntambama Free State Stadium, eBloemfontein.
UBroos uthe okwamanje kubalulekile ukuthi iBafana igxile emdlalweni weLesotho, ngemuva kwalo mdlalo bazobe sebecabanga ngeSuper Eagles.
Kuleli qoqo lika-C iBafana ilandelwa iRwanda neBenin abanaphuzu angu-8, iNigeria ihlezi endaweni yesine ngamaphuzu angu-7, iLesotho inamaphuzu angu-6 isendaweni yesihlanu kuthi emsileni kube iZimbabwe enamaphuzu angu-4 emdlalweni eyisithupha.
Kulindeleke ukuthi imidlalo yeNdebe yoMhlaba iqale kusukela ngomhlaka 11 June 2026 kuya ku-19 July 2026, eCanada, United States naseMexico.