SIHLEHLISIWE ISICELO SEBHEYILI SOSOLWA NGOKUBULALA UMERWE

INKANTOLO yeMantshi yaseBrakpan, eGoli isihlehlisele umhlaka 25 March 2026 isicelo sokunikeza ibheyili uMatiphandike Sotheni osolwa ngokubulala ufakazi D kwiKhomishana kaMadlanga, uMarius Van der Merwe. USotheni uvele kafushane namuhla eNkantolo. 

 UMarius ubulawe ngonyaka owedlule(2025), ngesikhathi efika emzini wakhe osempumalanga yeGoli. Imoto okusolakala ukuthi yasetshenziswa ngesikhathi ebulawa(uMerwe), yatholakala ilaxazwe e-Alexander, eGoli.

 Kuvela ukuthi phambilini uSotheni wayeyiphoyisa, ngaphansi kophiko iSpecial Task Force, ngaphambi kokujoyina inkampani yonogada ezimile eHoughton, eGoli.