OWE SUNDOWNS UFUNA BAZENZELE BONA UMSEBENZI WOKUNQOBA ILIGI

UMQEQESHI weMamelodi Sundowns uMiguel Cardoso uthi abadingi ukuthembela kwelinye iqembu ukuthi libasize embangweni weBetway Premiership. 

UCardoso usho lokhu ngemuva kokuthi ezakhe zishaye i-Orlando Pirates ngo 2-1 emdlalweni weBetway, eFNB Stadium, eGoli izolo. Amagoli eSundowns ashawe uBrayan Leon ngesiwombe sokuqala, elaMabhakabhaka lashawa uPatrick Maswanganyi ngesiwombe sesibili.

AmaBrazilians ahlezi endaweni yesibili kwilogi ngamaphuzu angu 35, alandela iPirates ehlezi phezulu ngamaphuzu angu 38.

Ekhuluma neSupersport TV ngemuva kwalo mdlalo uCardoso uthi ushubile umbango weligi. Wathi iSundowns ibhekana nomdlalo ngamunye.

"Siyakholelwa kithi, asidingi ukuthembela kwamanye amaqembu ukuze sinqobe iligi. Yebo, Njengamanje sesingconywana. Leli qembu kusayilona leli eliqale isizini, sibenotshintsho olumbalwa ngenxa yomsebenzi omningi osihlalele. Sidinga ukukholwa kubalandeli bethu abahlezi beme nathi, njengoba sibonile emidlalweni edlule, asiqhubeke siyephambili, asiqhubeke siyephambili," kubeka uCardoso.