OWE-POLOKWANE CITY UBONA I-PIRATES IZOHLULEKA UKUNQOBA ILIGI

UMQEQESHI wePolokwane City FC, uPhuti Mohafe uthi akayiboni i-Orlando Pirates FC inqoba isicoco seBetway Premiership. UMohafe usho kanje ngemuva kokuthi iPirates ishaye iCity ngo 2-1, emdlalweni weligi e-Old Peter Mokaba Stadium,  ePolokwane izolo.

Abashaye amagoli Amabhakabhaka nguRelebohile Mofokeng noPatrick  Maswanganyi ngesiwombe sesibili kwathi eleRise and Shine lashawa uBonginkosi Dlamini ngo 86.

"Uma bezoqhubeka(Orlando Pirates) nokudlala kanjena angibaboni benqoba iligi. Angazi mhlawumbe ingoba  besiwenze kahle amalungiselelo omdlalo, ingakho bebethwele kanzima kulo mdlalo.  Indlela abadlale ngayo namuhla angiboni(Orlando Pirates) benqoba iligi, " kuchaza uMohafe.

I-Rise and Shine ihlezi endaweni yesikhombisa kwilogi, ngamaphuzu angu 28 emdlalweni engu 19. I-City izobuyela enkundleni uma isiyobhekana nomkhaya bayo iSekhukhune United, ePeter Mokaba Stadium, ngoMgqibelo mhlaka 14 March 2026. 

I-Pirates ihlezi endaweni yokuqala kwilogi ngamaphuzu angu 44, emdlalweni engu 19. Emdlalweni olandelayo Amabhakabhaka azokwamukela iRichards Bay FC, e-Orlando Amstel Arena, eSoweto ngoLwesithathu.