KUZOQHULULWA AMAHLAYA KOWE-NIGHT WITH GRADUATES

 

LINDOKUHLE NGCOBO 

KUZOQOPHEKA umlando  emcimbini iNight with Graduates, ozoba ngoLwesihlanu mhlaka 25 July,  eDropkicks Murphys Florida, eThekwini. 

Kulo mcimbi kulindeleke  ukuthi kubungazwe abantu abaneziqu zeMfundo ePhakeme. 

Umhleli walo mcimbi  uThabiso "Moemish" Msomi ungusomahlaya  othole iziqu ze-IT eDUT ngonyaka ka-2019. Uveze ukuthi lo mcimbi kuzoqhululwa amahlaya aqhakambisa impilo yezemfundo.

"Sifuna ukwakha okuhlukile  hhayi ukubungaza kuphela abantu abaneziqu kodwa ukubanika ithuba lokuxhumana, ukukhululeka bekwazi ukujabula bahleke ngaphandle kombandela," esho.

Ephetha uthe kuzobungazwa impilo yakoNgqondonkulu nempilo yanganese.

Abazonandisa kulo mcimbi uMoemish, Gqonqa Mzambiya, Mmangaliso Mhlongo, Kwanda Radebe, Thami Dlamini, Ndu Nkosi noDJ  Athandwa.

Amathikithi adayisa eWebtickets ngo-R100 kuphela. Abazohambela lo mcimbi kunxuswa ukuba bagqoke izimpahla ezikhululekile.