KUTHUNGATHWA OWASE CHATSWORTH ONYAMALELE

AMAPHOYISA aseChatsworth acela umphakathi ukuthi usize kutholakale owesilisa oneminyaka engu-58 ubudala onyamalele.

UMnuz Dean Walter Soenies ugcine ukubonakala emzini wakhe osendaweni yaseShallcross, eChatsworth ngomhlaka 22 December 2025. 

Okhulumela amaphoyisa KwaZulu-Natal(KZN) uConstable Zabathembu Thembu uthi uSoenies wagcina ukubonakala egqoke ihembe elimnyama nebhulukwe elimhlophe.

"USoenies uyakhanya ngokwebala, isiqu sakhe somzimba siphakathi nendawo. Imbangela yokunyamalala kwakhe ayaziwa okwamanje. Amaphoyisa acela noma ubani ongabanomkhondo ngaye(uSoenies) ukuba ashayele umseshi onguSergeant Duma kulenombolo ethi 031 451 4268 noma ashayele inombolo yamahhala yokuqanda ubugebengu, okungu 08600 10111," kuchaza uMthembu.