KUTHUNGATHWA ISIZATHU ESIHOLELE EKUBULAWENI KWENDUNA YAMABUTHO

ASIKAZIWA isizathu sokubulawa ngesihluku komdidiyeli wamabutho esiFunda iKing Cetshwayo,  uMnuz Senziwanjani Xulu.

UXulu udutshulwe wabulawa emgwaqeni uR34 eMaguzulu, eMpangeni izolo. Lokhu kwenzeke ngesikhathi uXulu esamile kulo mgwaqo olungiswayo, njengoba izimoto zidedelana kuya ngefike kuqala. 

Kuvela ukuthi kuqhamuke abesilisa ababili bavulela ngezulu lezandla bebhekise kuXulu, washonela endaweni yesigameko.