KUTHUNGATHWA ABANTSHONTSHE I-BMW X5 EGOLI

LINDOKUHLE NGCOBO 

AMAPHOYISA afuna abasolwa abantshontshe imoto yohlobo lweBMW X5. Le moto itholwe ngabakwasidlodlo eMidrand, eGoli izolo ntambama. 

Kuvela ukuthi uphiko lweFlying Squad lwaseGoli  belilandela umkhondo wale moto, ngemuva kokuthi isetshenziswe(BMW X5) ngabasolwa ebebezama ukubamba inkunzi iloli  eSandton.  Le BMW ibe isibonakala endaweni yaseKaalfontein  nokuyilapho amaphoyisa aqale ukuyijaha khona. Nokuyilpho abasolwa beqoke ukwehla emotweni, badla phansi ngezinyawo bashiya imoto yodwa. 

Abomthetho baqinisekise ukuthi bathole izibhamu ezimbili ezigcwele izinhlamvu, amalambu amaphoyisa nejakhethi yamaphoyisa kule moto. Uphenyo luveza ukuthi le moto intshontshwe eGermiston ngenyanga edlule kanti esinye sezibhamu sintshontshwe endaweni yase-Ivory Park.