KUTHUNGATHWA ABABULELE UFAKAZI WEKHOMISHANA KAMADLANGA

AMAPHOYISA afuna abasolwa ngokubulala uMarius Van der  Merwe,  obengufakazi D kwiKhomishana kaMadlanga, ephenya ngenkohlakalo esemaphoyiseni nokugxambukela kosopolitiki emacaleni obugebengu abucayi. 

Lokhu kulandela ukutholakala kwemoto okusolakala ukuthi yasetshenziswa ngesikhathi ebulawa(uMerwe), etholwe izolo ilaxazwe e-Alexandra, eGoli.

UMerwe ubulawe ngesonto eledlule ngenkathi efika emzini wakhe osempumalanga yeGoli. Kuvela ukuthi bake bazama ukumbulala(Merwe) ngo September kulonyaka, ngaphambi kokuthi athule ubufakazi bakhe ngasese kwiKhomishana ngenyanga edlule. Nokuyilapho uMerwe eveza ukuthi wayalelwa nguJulius Mkhwanazi onguSekela Nhloko wamaPhoyisa kaMasipala wase-Ekurhuleni ukuba adukise isidumbu sesiboshwa ngo 2022.

UKhomishana wamaPhoyisa kuzwelonke uGeneral Fannie Masemola udalule ukuthi kukhona abasolwa abathathu, abakwasidlodlo abahlezi ezithendeni zabo. Waveza ukuthi oyedwa wabo bamupheka ngemibuzo.