KUSHONE OWESILISA OSHAYISWE YIMOTO

LINDOKUHLE NGCOBO 

KUSHONE owesilisa oneminyaka engu-44 ubudala. Kulandela ukuthi eshayiswe imoto emgwaqeni uR102, eCornubia enyakatho neTheku ngempelasonto. 

Kuvela ukuthi lo mlisa obehlala eCornubia Flats, ubehamba ngezinyawo nabangani bakhe abathathu ngesikhathi ehlelwa ilo mshophi. Ngokusho kwabangani bakhe, kade bebuya ukuyokhipha imali yokuthenga utshwala. Nokuthe besasendleleni, kwaqhamuka imoto yohlobo lweJetour Dashing SUV emnyama yashayisa umufi. 

"Umshayeli wemoto uqale wabaleka endaweni yesigameko. Kwathi ngokuhamba kwesikhathi wabuya," kuchaza abangani bakamufi.

Ngokusho kwalo mshayeli ophume engenamyocu kule ngozi, uthi ubeyobikela amaphoyisa mayelana nesigameko.