KUSHIYE ABANTU BESHAQEKILE UKUDLULA EMHLABENI KOBE YIPHIMBO LOKHOZI FM

Abathandi boKhozi FM basamangele futhi badidekile yizindaba zokudlula emhlabeni kukaMartin Ziqubu. 
UZiqubu ubesezakhele olukhulu udumo ngokuzwakala kwephImbo lakhe kuKhozi FM, ubusuku nemini ekhangisa izinhlelo kanjalo nezimemezelo ebezizwakala kulo msakazo.

UZiqubu ubephinde azwakale ngisho nasemidlalweni yomoya, kuwona lo msakazo.
Uzophinde akhumbuleke nangokulingisa, njengoba ebebonakala emidlalweni eminingi yethelevishini.

Udlula emhlabeni nje bekungakaze kuzwakale izindaba zokuthi uyagula.
INews Avenue izoqhubeka nokwazisa ngamalungiselelo omngcwabo, kanjalo nenkonzo yesikhumbuzo.