KUPHENYWA NGOKUSHA KWEBHILIDI LOMNYANGO WEZASEKHAYA EGERMISTON

LINDOKUHLE NGCOBO 

AMAPHOYISA aphenya ngembangela yomlilo  oqubuke ebhilidini loMnyango wezaseKhaya, eGermiston, ngaphansi kwedolobha iKurhuleni.

Lo mlilo uqubuke namuhla ekuseni, kwaphazamiseka imigwaqo eseduze okubalwa uPresident Street, Queen Street  noJack Street. 

Okhulumela idolobha laseKurhuleni uWilliam Ntladi uqinisekise ukuthi njengamanje umlilo usucishiwe. Wathi abakwasidlodlo basaphenya ngembangela yawo.

"Okwamanje ngeke ngikuqinisekise ukuthi umlilo uqale kanjani, engikuzwe kukhulunywa ukuthi ababhikishi baphonse ibhomu likaphethiloli phezulu kuleli bhilidi elinezitezi ezimbili," esho.