KUPHENYWA NGOKUBANJWA KWEMOTO ETHWALA IMALI

AMAPHOYISA aphenya ngesigameko sokubanjwa kwemoto ethwala imali, esenzeke namuhla emgwaqeni uN2, eduze kwaseNPC Cement Factor, eThekwini. 


Kuvela ukuthi kulimale onogada ababili, ngemuva kokudutshulwa abasolwa esingaziwa isibalo sabo. Omunye wonogada uphuthunyiswe esibhedlela  ngendiza enophephela emhlane ngenxa yokulimala kabucayi. Owesibili uqale wathola ukwelashwa endaweni yesehlo, ngaphambi kokuphuthunyiswa esibhedlela.

Abasolwa bashaye bachitha nesamba semali esingadululwanga. Okwamanje akukaboshwa muntu mayelana nalesi sigameko, abakwasidlodlo basendaweni yesigameko ngenhloso yokuqhuba uphenyo lokuthungatha abasolwa.