KUKHUZWA UKUPHATHWA BUDLABHA KWEZIBHAMU
LINDOKUHLE NGCOBO
AMAPHOYISA axwayisa umphakathi ngokuphatha budedengu izibhamu. Lesi sexwayiso silandela ividiyo esabalele ezinkundleni zokuxhumana. Kuyo okubonakala abesifazane ababili behlezi endlini bephethe izibhamu ezihlohliwe, bekhombana ngazo (izibhamu).
Abakwasidlodlo bathi laba besifazane babonakala bengaqeqeshelwe ukuphatha izibhamu.
"Ukuphathwa budedengu kwezibhamu kubeka izimpilo zalabo abaziphethe engcupheni nezomphakathi. Ngokomthetho wesibhamu (fireamrs control Act 50 of 2000), noma ngabe ubani ophatha isibhamu kumele abanelayisense yesibhamu esemthethweni," ngokusho kwesitatimendi samaphoyisa.
Abomthetho bavame ukubopha abanikazi bezibhamu abangaziphethe ngokomthetho, njengoba ukuphatha budlabha kwesibhamu kungaba icala elibucayi. Amaphoyisa akhumbuza umphakathi ukuthi isibhamu akulona ithoyizi lokudlala.
AMAPHOYISA axwayisa umphakathi ngokuphatha budedengu izibhamu. Lesi sexwayiso silandela ividiyo esabalele ezinkundleni zokuxhumana. Kuyo okubonakala abesifazane ababili behlezi endlini bephethe izibhamu ezihlohliwe, bekhombana ngazo (izibhamu).
Abakwasidlodlo bathi laba besifazane babonakala bengaqeqeshelwe ukuphatha izibhamu.
"Ukuphathwa budedengu kwezibhamu kubeka izimpilo zalabo abaziphethe engcupheni nezomphakathi. Ngokomthetho wesibhamu (fireamrs control Act 50 of 2000), noma ngabe ubani ophatha isibhamu kumele abanelayisense yesibhamu esemthethweni," ngokusho kwesitatimendi samaphoyisa.
Abomthetho bavame ukubopha abanikazi bezibhamu abangaziphethe ngokomthetho, njengoba ukuphatha budlabha kwesibhamu kungaba icala elibucayi. Amaphoyisa akhumbuza umphakathi ukuthi isibhamu akulona ithoyizi lokudlala.