KUHOXISWE UMJAHO WAMAHHASHI NGENXA YOKUHLASELA KWESIFO

KUHOXISWE umcimbi womjaho wamahhasi  iHarry Gwala Summer Cup 2025. Lo mcimbi weminyaka yonke, bekuhlelwe ukuthi ubengoMgqibelo mhlaka 22 November, eMakhuzeni Traditional Hourse Racing Track, e-Underberg. 

Lokhu kuhoxiswa kwalo mjaho, ohlelwa uMnyango wezeMidlalo, ubuCiko namaSiko KwaZulu-Natal(KZN) oholwa uNgqongqoshe uMnuz Mntomuhle Khawula ngokuhlanganyela noMasipala wesiFunda iHarry Gwala noMasipala iNkosazane Dlamini-Zuma kumayelana nokuhlasela kwesifiso iFMD kuleya ndawo. 

UKhawula uthi kubalulekile ukubeka phambili ukuphepha kwezimpilo zabantu nokuvikela imfuyo.

"Isinqumo sokuhoxisa umcimbi sisithathe ngemuva kokuxhumana nazo zonke izinhlaka ezithintekayo. Sizoqhubeka nokweseka lo mjaho wamahhashi asezindawe zasemakhaya. Sizolumemezela usuku olusha lo mjaho uma isimo sesivuma, " kubeka uKhawula.