KUGQAME UKUZETHEMBA KWABACHIBIYELA U-MATRIC
LINDOKUHLE NGCOBO
BABUYELWE ukuzethemba abafundi abangu-200 abachibiyela imiphumela kaMatric eNkungumathe NPO ngaphansi kohlelo iSTEAM.
Lokhu kuhlale obala emcimbini wokuvalelisa laba bafundi izolo, ebusuku eNkungumathe, eNkandla.
Kulo mcimbi kuklonyeliswe abafundi abathathu abenza kahle ezifundweni zabo, kubo kukhona uThabile Ntombela(Accounting), Lwandle Manyoni(Mathematics) noSinenjabulo Nxumalo (Physical Sciences).
Ekhuluma neNews Avenue uSinenjabulo ozobhala izivivinyo zakhe zokuphela konyaka eNkandla Technical High School, uthi ukuba ngaphansi kweNkumathe NPO kumsizile wakwazi ukuthola amakhono amasha okuphendula imibuzo uma ebhala izivivinyo.
"Ngikwazi ukugxila ezihlokweni ebizinginika inkinga esikoleni. Ikakhulukazi iMaths kukhona izihloko ebengizeqa. Kungisizile ukwenza imisebenzi engiyinikwa othisha ngendlela eneqiniso. Manje sengikulungele ukuyobhala izivivinyo ngiyazethemba," kubeka uSinenjabulo.
USihlalo weNkungumathe NPO uMnuz Mthokozi Mchunu uthi ufisa lolu hlelo lusabalale kuzona zonke iziFunda zaKwaZulu-Natal.
"Kulo nyaka besinabafundi baseZululand, uMzinyathi naseKing Cetshwayo. Uma singathola uhlelo lokuthi abafundi esibathathe bebe ngu-400 sesingasenza isiqiniso sokuthi siyosiza abafundi bezinye iziFunda.
"Ikakhulukazi ogwini eHarry Gwala nesiFunda Ugu bese sibuka nabanye abanjengo Mkhanyakude ezindaweni zasemakhaya sikwazi ukuthi sifinyelele nakubona sisize abantwana. Laba bantwana abethu sonke KwaZulu-Natal, eNingizumu Afrika," kubeka uMchunu.
BABUYELWE ukuzethemba abafundi abangu-200 abachibiyela imiphumela kaMatric eNkungumathe NPO ngaphansi kohlelo iSTEAM.
Lokhu kuhlale obala emcimbini wokuvalelisa laba bafundi izolo, ebusuku eNkungumathe, eNkandla.
Kulo mcimbi kuklonyeliswe abafundi abathathu abenza kahle ezifundweni zabo, kubo kukhona uThabile Ntombela(Accounting), Lwandle Manyoni(Mathematics) noSinenjabulo Nxumalo (Physical Sciences).
Ekhuluma neNews Avenue uSinenjabulo ozobhala izivivinyo zakhe zokuphela konyaka eNkandla Technical High School, uthi ukuba ngaphansi kweNkumathe NPO kumsizile wakwazi ukuthola amakhono amasha okuphendula imibuzo uma ebhala izivivinyo.
"Ngikwazi ukugxila ezihlokweni ebizinginika inkinga esikoleni. Ikakhulukazi iMaths kukhona izihloko ebengizeqa. Kungisizile ukwenza imisebenzi engiyinikwa othisha ngendlela eneqiniso. Manje sengikulungele ukuyobhala izivivinyo ngiyazethemba," kubeka uSinenjabulo.
USihlalo weNkungumathe NPO uMnuz Mthokozi Mchunu uthi ufisa lolu hlelo lusabalale kuzona zonke iziFunda zaKwaZulu-Natal.
"Kulo nyaka besinabafundi baseZululand, uMzinyathi naseKing Cetshwayo. Uma singathola uhlelo lokuthi abafundi esibathathe bebe ngu-400 sesingasenza isiqiniso sokuthi siyosiza abafundi bezinye iziFunda.
"Ikakhulukazi ogwini eHarry Gwala nesiFunda Ugu bese sibuka nabanye abanjengo Mkhanyakude ezindaweni zasemakhaya sikwazi ukuthi sifinyelele nakubona sisize abantwana. Laba bantwana abethu sonke KwaZulu-Natal, eNingizumu Afrika," kubeka uMchunu.