KUFUNWA ODAYISA AMAPHATHI EZIMOTO ZOKWEBIWA EMLAZA

LINDOKUHLE NGCOBO

AMAPHOYISA athungatha umsolwa odayisa amaphathi ezimoto zohlobo lweVolkswagen (VW). 

Kulandela ukuthi uphiko lweDTT yaseThekwini lushaqe amaphathi ezimoto zokwebiwa namuhla, emzini okwaN, eMlaza. Kuvela ukuthi lezi zimoto zadunwa enkabeni yeTheku, iSydenham, Berea, Umbilo, Hillcrest nasePinetown. 

Okhulumela amaphoyisa aseThekwini uLt Colonel Paul Magwaza uthi ubengekho umsolwa ngesikhathi kufika amaphoyisa kulo muzi ongumqasho. 

"Amaphoyisa athole izinhlobonhlobo zamaphathi ezimoto okubalwa izibuko, isiteringi, pedals, deshibhodi, izicabha nobhampa. Kutholakale nenjini yemoto, okuvela ukuthi yebiwa ngoNovember 2024 ePinetown. Kukhona ezinye izinjini ezitholakele okukhomba ukuthi zixikiziwe," kuchaza uMagwaza. 

Ephetha udalule ukuthi umsolwa ubedayisa amaphathi kuyo le ndlu aqashe kuyo.