KUBOSHWE UMSHAYELI WETEKISI NGOKUSHAYELA BUDEDENGU

UKHALELWE ngamasongo kasigonyela umshayeli wetekisi, ngemuva kokuba ebonwe ngamaphoyisa kaMasipala weTheku, eshayela bubudengu enkabeni yeTheku namuhla. 

Kuvele ukuthi abomthetho babone lo mshayeli edlula irobhothi libomvu, babe sebehlala ezithendeni zakhe. Nebala lo mshayeli uwamelile amaphoyisa,  wawavumela ukuba aqhube umsebenzi wawo. Abomthetho bathole ukuthi umshayela uphuze utshwala. Kwaphinde kwavela ukuthi umshayeli wetekisi unesikweletu semali engu R600, samacala asemqwaqeni.

Umshayeli ube eseboshwa ngecala lokushayela budedengu nokushayela ekhothe izinkamba zikaFaro.