KUBOSHWE OWESILISA NOWESIFAZANE BEBANJWA NEZIDAKAMIZWA

LINDOKUHLE NGCOBO 

AMAPHOYISA abophe umsolwa wesilisa ongowokufika kuleli nowesifazane wakuleli, ababanjwe beshushubisa izidakamizwa. Laba basolwa baboshwe izolo ngokwehlukana, njengoba kukhona obanjwe eWestville omunye utholakale eHillcrest.

Okhulumela amaphoyisa KwaZulu-Natal uColonel Robert Netshiunda  ukuqinisekisile ukuboshwa kwabasolwa ababili ngecala lokushushubisa izidakamizwa. 

"Ngesikhathi amaphoyisa eqhuba umsebenzi,  athole izidakamizwa zohlobo itables, ecstasy powder,  heroin capsules, cocaine ne-crystral meth ezingabiza imali engaphezulu kuka-R500 000," echaza.

Kulindeleke ukuthi abasolwa ababoshiwe bavele eNkantolo maduze.