KUBOSHWE INQWABA YABASHAYELA BEPHUZILE NGEMPELASONTO

BANGU- 226 abantu ababoshelwe ukushayela bephuze utshwala kwizivimbamgwaqo ebezikhona Esikhawini, Empangeni naseRichards Bay.

NgoLwesihlanu nangoMgqibelo kuboshwe abangu-114 eRichards Bay, abangu-51 Esikhawini  nabangu-61 Empangeni bonke batholwe benezinga eliphezulu likatshwala egazini. Phakathi kwalaba bantu kukhona uMfundisi, iPhoyisa, oThisha, uDokotela, uMshayeli weloli, uJele  neSicishamlilo.


UMnyango wezokuThutha KwaZulu-Natal(KZN) oholwa uNgqongqoshe uMnuz uSiboniso Duma udalule ukuthi amaphoyisa azoqhubeka nezivimbamgwaqo, ngenhloso yokukhuculula izephulamthetho emgwaqeni yaseKZN.