KUBOSHWE AMAPHOYISA AMABILI ENANDA

AKHALELWE ngamasongo kasigonyela ngecala lokugwazisa amaphoyisa amabili eNanda, izolo.

Kusolakala ukuthi amaphoyisa abegwazisa abantu abadayisa  utshwala ngokungekho emthethweni, aphinde afune imali kwabadayisa ugwayi ngokungekho emthethweni endaweni yaseMawoti.

Okhulumela amaphoyisa KwaZulu-Natal uColonel Robert Netshiunda ukuqinisekisile ukuboshwa kwamaphoyisa amabili ngecala lokufuna imali ngodli. Wadalula ukuthi kulawa maphoyisa aboshiwe, elilodwa lisebenza esiteshini saseNanda, elinye lisebenza eNkantolo yeMantshi yaseNtuzuma.

"Abasolwa kulindeleke ukuthi bavele eNkantolo yeMantshi yaseNtuzuma ngoMsombuluko mhlaka 23 February 2025. Kungenzeka baphinde babekwe amanye amacala, njengoba bebaningi abagilwa abalokhu bevula amacala," kubeka uNetshiunda.