KUBOSHWE ABASOLWA ABABILI KWELOKUSHUSHUMBISA IZIDAKAMIZWA

LINDOKUHLE NGCOBO 

LUTHELE izithelo ezinhle uphenyo lamaphoyisa ophiko i-AHT namuhla  endaweni yaseMakhaza, eKhayelitsha eWestern  Cape. Kulandela ukuboshwa kwabesilisa ababili abasolwa ngokushushumbisa izidakamizwa. 

Ngesikhathi amaphoyisa eqhuba lolu phenyo abambe owesilisa oneminyaka engu-48 ubudala ongowokudabuka eNigeria nezidakamizwa zohlobo lweTik engu-250 grams necocaine endaweni ahlala kuyo. 

 Umsolwa wesibili  oneminyaka engu-55 ubudala uboshwe ngemuva  kokutholakala nezidakamizwa zohlobo lwe mandrax engu-115 neTik engu-42.

Kulindeleke ukuthi abasolwa ababoshiwe bavele enkantolo yeMantshi yaseKhayelitsha maduze.