ISIWELELE SIPHETHE IZINDUKU ZE CHIEFS EZINDALA
LINDOKUHLE NGCOBO
ISIWELELE FC sizovakashela iKaizer Chiefs emdlalweni weBetway Premiership eFNB Stadium, eGoli namuhla ngehora lesi-07h30 kusihlwa.
Leli qembu lase Bloemfontein liya kulo mdlalo liphethe abadlali abahlanu ababegijima kuMakhosi. Kubo kubalwa uSamir Nurkovic waseSerbia, Christian Saile waseCongo, Tebogo Potsane, Samkelo Zwane noHappy Mashiane.
UNurkovic washiya iChiefs ngo-2022 engaconsi phansi kubalandeli baleli qembu. Kulandela ukushayela leli qembu laseSoweto amagoli angu-21, wasiza kwangu-10 emdlalweni engu-78.
USaile ushiye Amakhosi ngo-Janaury ngesivumelwano sokuphambana noTashreeq Morris kwiSupersport United, ethengwe iSiwelele ekuqaleni kwesizini.
UPotsane unenselelo yokuzibonakalisa kwiChiefs emchithe ngo-August. Lo mdlali oneminyaka engu-32, ugijime imidlalo engu-19 kuMakhosi, wangawashayela goli.
UZwane noMashiane babolekiswe iChiefs kwiSiwelele ngenhloso yokuthi bathola ithuba lokudlala.
ISiwelele sihlezi endaweni ka-14 kwilogi, ngamaphuzu angu-7 emdlalweni engu-9. Leli qembu laseBloemfontein lisanqobe kabili, lashawa emdlalweni eyisithupha ladlala ngokulingana umdlalo owodwa.
Amakhosi aya kulo mdlalo ahlezi endaweni yesine kwilogi, ngamaphuzu angu-15, emdlalweni engu-8. Leli qembu laseSoweto lisanqobe imidlalo emine, ladlala ngokulingana emithathu, ladliwa kowodwa.
Omunye umdlalo weBetway Premiership onamuhla, i-Orlando Pirates izokwamukela iPolokwane City e-Orlando Stadium, eSoweto.
ISIWELELE FC sizovakashela iKaizer Chiefs emdlalweni weBetway Premiership eFNB Stadium, eGoli namuhla ngehora lesi-07h30 kusihlwa.
Leli qembu lase Bloemfontein liya kulo mdlalo liphethe abadlali abahlanu ababegijima kuMakhosi. Kubo kubalwa uSamir Nurkovic waseSerbia, Christian Saile waseCongo, Tebogo Potsane, Samkelo Zwane noHappy Mashiane.
UNurkovic washiya iChiefs ngo-2022 engaconsi phansi kubalandeli baleli qembu. Kulandela ukushayela leli qembu laseSoweto amagoli angu-21, wasiza kwangu-10 emdlalweni engu-78.
USaile ushiye Amakhosi ngo-Janaury ngesivumelwano sokuphambana noTashreeq Morris kwiSupersport United, ethengwe iSiwelele ekuqaleni kwesizini.
UPotsane unenselelo yokuzibonakalisa kwiChiefs emchithe ngo-August. Lo mdlali oneminyaka engu-32, ugijime imidlalo engu-19 kuMakhosi, wangawashayela goli.
UZwane noMashiane babolekiswe iChiefs kwiSiwelele ngenhloso yokuthi bathola ithuba lokudlala.
ISiwelele sihlezi endaweni ka-14 kwilogi, ngamaphuzu angu-7 emdlalweni engu-9. Leli qembu laseBloemfontein lisanqobe kabili, lashawa emdlalweni eyisithupha ladlala ngokulingana umdlalo owodwa.
Amakhosi aya kulo mdlalo ahlezi endaweni yesine kwilogi, ngamaphuzu angu-15, emdlalweni engu-8. Leli qembu laseSoweto lisanqobe imidlalo emine, ladlala ngokulingana emithathu, ladliwa kowodwa.
Omunye umdlalo weBetway Premiership onamuhla, i-Orlando Pirates izokwamukela iPolokwane City e-Orlando Stadium, eSoweto.