ISIMO SEZULU SIDALE UMONAKALO KWAZULU-NATAL

KUTHUNGATHWA owesifazane oneminyaka engu-35 ubudala omuke namanzi endaweni yasesiSibongile, eDundee. Lokhu kulandela ukuhlasela kwemvula enamandla edale izikhukhula izolo ebusuku. 

Kwesinye isigameko owesifazane osekhulile ungeniswe esibhedlela, ngemuva kokushawa umphezulu kuMasipala uMlalazi, kuwadi 8. Ithimba lezinhlekelele selithunyelwe kulo Masipala, njengoba kuvela ukuthi isimo sezulu esibi sidale  umonakalo kuWadi, 16, 21 no-14.

UNgqongqoshe wezokuBusa nokubaMbisana neziNdaba zoMdabu KwaZulu-Natal(KZN) uMfu Thulasizwe Buthelezi uxwayisa izakhamizi ngobungozi besimo sezulu, njengoba izangoma zezulu ziveza ukuthi imvula enamandla izoqhubeka nokuhlasela isifundazwe kulesi sikhathi sehlobo.

"Sinxusa izakhamizi ukuba ziqhubeke zilalele imithombo ethembekile yabezindaba, ukuze zithole okumayelana nesimo sezulu," kubeka uButhelezi.