ISILO SIFUNA KUTHUTHUKISWE IZINDAWO ZASEMAKHAYA

INGONYAMA yamaZulu iSilo uMisuzulu kaZwelithini  noNgqongqoshe woMnyango wezemiSebenzi kaHulumeni neNgqalasizinda kuzwelonke uMnuz Dean Macpherson baqale ubudlelwane bokusebenzisana ukuze kuthuthukiswe ingqalasizinda KwaZulu-Natal(KZN). 

Lokhu kulandela umhlangano obubanjelwe esigodlweni eMashobeni, oPhongolo izolo, obuphakathi kweNgonyama, uNgqongqoshe uMacpherson noNgqongqoshe wezemiSebenzi kaHulumeni neNgqalasizinda eKZN uMartin Meyer. Lo Mnyango ubuzokwethulwa imisebenzi oyenzayo emhlabeni weNdlulamithi.

ISilo sifuna uMnyango ukubeke eqhulwini ukuthuthukiswa kwezindawo zasemakhaya. 

"Kuyathokozisa ukuthi sikwazile ukuhlala phansi sakhe umhlahlandlela wokusebenzisana noMnyango wezemiSebenzi kaHulumeni neNgqalasizinda. Ngifisa ukuthi kuthuthukiswe izindawo zasemakhaya ngaphansi kweNgonyama trust, " kubeka iSilo.