ISEXWAYISO NGEMVULA ENAMANDLA KWAZULU-NATAL

LINDOKUHLE NGCOBO

KUNXUSWA umphakathi waKwaZulu-Natal(KZN) ukuba uqaphele imvula enamandla, okulindeleke ukuthi ihlasele ezingxenye zalesi sifundazwe.

Ngokusho kwezangoma zezulu iSouth Africa Weather Services(SAWS), lemvula kulindeleke ukuthi iqale kusasa ngoMgqibelo mhlaka 12 July. 

Izindawo ezingase zithinteke ilezi KwaDukuza, eMandeni, eThekwini, KwaMaphumula, uMdoni, uMlalazi, iRay Nkonyeni, iNdwedwe naseMzumbe. 

Le mvula ingase idale umonakalo emgwaqeni, nasemzini eseduze nemifula. UNgqongqoshe woMnyango wezokuBusa ngokuBambisana nezoMdabu eKZN uMfu Thulasizwe Buthelezi unxusa izakhamizi ukuba ziqaphele. 

"Ngicela nalabo abangazithola begcwalelwa yimifula ukuba bangabe besayiwela uma isigcwele," kubeka uMfu Buthelezi.