.jpg)
ISEXWAYISO KUBATHANDI BEBHOLA NGAMATHIKITHI E-MTN8
LINDOKUHLE NGCOBO
I-Premier Soccer League (PSL) iyalela abalandeli bebhola ukuthi bangalokothi bathenge amathikithi omdlalo wamanqamu eMTN 8, ezindaweni ezingagunyaziwe ngokusemthethweni ukudayisa lawa mathikithi.
Le nhlangano eyengamele ibhola kuleli, idalule namuhla ngesikhathi imemezela ngokusemthethweni ukuthi amathikithi alo mdlalo wamanqamu, azoqala ukudayisa ngoMsombuluko mhlaka 1 September 2025, ngehora lesi -10 ekuseni.
Lo mdlalo wamanqamu uphakathi kweqembu i-Orlando Pirates neStellenbosch FC, ngoMgqibelo mhlaka 13 eMbombela Stadium, eNelspruit esifundazweni iMpumalanga.
Ngokusho kwePSL amathikithi azodayisa eShoprite, Checkers, uSave Stores naku- Open Tickets ku-www.opentickets.co.za ngenani lika-R100. Umuntu eyedwa uzokwazi ukuthenga amathikithi amane ukugwema isiphithiphithi sokudayiswa kwamthikuthi ngendlela engafanele. I-PSL ithi ngeke bavunyelwe ukungena enkundleni abantu abazobe bephethe amathikithi awumbombayi
EZimnyama zizicabele indawo kowamanqamu ngokushaya iMamelodi Sundowns ngo 4-1 emaphenathini, ngemuva kokudlala ngolingana (2-2) sekuhlanganiswe yomibili imilenze imidlalo yama Semi-finals. Ngakulunye uhlangothi iStellies siqumbe phansi iSekhukhune United ngo 3-1 sekuhlanganiswe imphumela yonke imilenze yama Semi-finals. Umlando uyaziphinda njengoba nangesizini edlule umdlalo wamanqamu walo mqhudelwano adlala ilawa maqembu(Orlando Pirates neStellenbosch eMoses Mabhida Stadium, eThekwini nalapho iPirates yanqoba ngo 3-1.
Iqembu elizonqoba lesi sicoco lizokhala lemuke ngemali engu-R10 million, bese kuthi amanye amaqembu angu-7 abeyingxenye yalo mqhudelwano azothola imali engu-R1 million iqembu ngalinye.
I-Premier Soccer League (PSL) iyalela abalandeli bebhola ukuthi bangalokothi bathenge amathikithi omdlalo wamanqamu eMTN 8, ezindaweni ezingagunyaziwe ngokusemthethweni ukudayisa lawa mathikithi.
Le nhlangano eyengamele ibhola kuleli, idalule namuhla ngesikhathi imemezela ngokusemthethweni ukuthi amathikithi alo mdlalo wamanqamu, azoqala ukudayisa ngoMsombuluko mhlaka 1 September 2025, ngehora lesi -10 ekuseni.
Lo mdlalo wamanqamu uphakathi kweqembu i-Orlando Pirates neStellenbosch FC, ngoMgqibelo mhlaka 13 eMbombela Stadium, eNelspruit esifundazweni iMpumalanga.
Ngokusho kwePSL amathikithi azodayisa eShoprite, Checkers, uSave Stores naku- Open Tickets ku-www.opentickets.co.za ngenani lika-R100. Umuntu eyedwa uzokwazi ukuthenga amathikithi amane ukugwema isiphithiphithi sokudayiswa kwamthikuthi ngendlela engafanele. I-PSL ithi ngeke bavunyelwe ukungena enkundleni abantu abazobe bephethe amathikithi awumbombayi
EZimnyama zizicabele indawo kowamanqamu ngokushaya iMamelodi Sundowns ngo 4-1 emaphenathini, ngemuva kokudlala ngolingana (2-2) sekuhlanganiswe yomibili imilenze imidlalo yama Semi-finals. Ngakulunye uhlangothi iStellies siqumbe phansi iSekhukhune United ngo 3-1 sekuhlanganiswe imphumela yonke imilenze yama Semi-finals. Umlando uyaziphinda njengoba nangesizini edlule umdlalo wamanqamu walo mqhudelwano adlala ilawa maqembu(Orlando Pirates neStellenbosch eMoses Mabhida Stadium, eThekwini nalapho iPirates yanqoba ngo 3-1.
Iqembu elizonqoba lesi sicoco lizokhala lemuke ngemali engu-R10 million, bese kuthi amanye amaqembu angu-7 abeyingxenye yalo mqhudelwano azothola imali engu-R1 million iqembu ngalinye.