INGEBHE NGEZOKUPHEPHA EZIKOLENI ZASE KZN
LINDOKUHLE NGCOBO
SEKUQUBUKE ingebhe ngesimo sezokuphepha ezikoleni zaKwaZulu-Natal(KZN). Lokhu kudalwa ukwanda kwesibalo sokugasela kwezigilamkhuba ezikoleni. Lapho kuhlaselwa othisha phambi kwabafundi, ukuhlaselwa kwabafundi phakathi emagcekeni esikole, ukucekelwa phansi kwempahla yesikole nodlame lwabafundi.
Esigamekweni sakamuva umfundi waseTrenance Park Secondary School, ePhoenix, oneminyaka engu-17 ubudala ugwazwe ngommese entanyeni ngomunye umfundi oneminyaka engu-14 ubudala. Kulesi sigameko ummese wasala entanyeni, njengoba uza wasuswa esibhedlela.
Kwesinye isigameko kuhlaselwe abafundi base-Esther Payne Smith Secondary, eMgungundlovu ababili oneminyaka engu-15 nonengu 17 ubudala balinyazwa kabi ekhanda nasezinyaweni.
Namuhla uNdunankulu waseKZN uMnuz Thamsanqa Ntuli ngokuhlanganyela nobambe njengoNgqongqoshe wezeMfundo eKZN uNkk Thembeni kaMadlopha-Mthethwa bethule ngokusemthethweni uhlelo lokuqinisa ezokuphepha ezikoleni, e-Archie Gumede Conference Centre, eMayville
Ekhuluma nabezindaba uNtuli uthe kubalulekile ukuthi othishanhloko babenokuxhumana nabaphathi beziteshi zamaphoyisa.
"Lolu hlelo kumele luholwe ngabafundi abazoba ngamanxusa ekutheni ezikoleni zabo kubakhona ukuhloniphana. Manje sifaka ubuchwepheshe besimanje okungamakhamera, esibeke isabelomali sika-R1 million. Sesiwafakile(amakhamera)ezikoleni ezingu-20, kwezingu-60 esifuna ukuwafaka kuzo," kuchaza uNtuli.
Kulolu hlelo uMnyango wezokuPhepha nezokuXhumana eKZN uzosebenza ngokubambisana noMnyango wezeMfundo, amaphoyisa, izinhlangano ezibhekele ukuphepha emphakathi, amabandla ezenkolo naMakhosi.
SEKUQUBUKE ingebhe ngesimo sezokuphepha ezikoleni zaKwaZulu-Natal(KZN). Lokhu kudalwa ukwanda kwesibalo sokugasela kwezigilamkhuba ezikoleni. Lapho kuhlaselwa othisha phambi kwabafundi, ukuhlaselwa kwabafundi phakathi emagcekeni esikole, ukucekelwa phansi kwempahla yesikole nodlame lwabafundi.
Esigamekweni sakamuva umfundi waseTrenance Park Secondary School, ePhoenix, oneminyaka engu-17 ubudala ugwazwe ngommese entanyeni ngomunye umfundi oneminyaka engu-14 ubudala. Kulesi sigameko ummese wasala entanyeni, njengoba uza wasuswa esibhedlela.
Kwesinye isigameko kuhlaselwe abafundi base-Esther Payne Smith Secondary, eMgungundlovu ababili oneminyaka engu-15 nonengu 17 ubudala balinyazwa kabi ekhanda nasezinyaweni.
Namuhla uNdunankulu waseKZN uMnuz Thamsanqa Ntuli ngokuhlanganyela nobambe njengoNgqongqoshe wezeMfundo eKZN uNkk Thembeni kaMadlopha-Mthethwa bethule ngokusemthethweni uhlelo lokuqinisa ezokuphepha ezikoleni, e-Archie Gumede Conference Centre, eMayville
Ekhuluma nabezindaba uNtuli uthe kubalulekile ukuthi othishanhloko babenokuxhumana nabaphathi beziteshi zamaphoyisa.
"Lolu hlelo kumele luholwe ngabafundi abazoba ngamanxusa ekutheni ezikoleni zabo kubakhona ukuhloniphana. Manje sifaka ubuchwepheshe besimanje okungamakhamera, esibeke isabelomali sika-R1 million. Sesiwafakile(amakhamera)ezikoleni ezingu-20, kwezingu-60 esifuna ukuwafaka kuzo," kuchaza uNtuli.
Kulolu hlelo uMnyango wezokuPhepha nezokuXhumana eKZN uzosebenza ngokubambisana noMnyango wezeMfundo, amaphoyisa, izinhlangano ezibhekele ukuphepha emphakathi, amabandla ezenkolo naMakhosi.