IDLULE NOWESIFAZANE KWALIMALA ABATHATHU INGOZI YAKU N3

LINDOKUHLE NGCOBO

Kushone owesifazane olinganiselwa eminyakeni engu-30 ubudala, kwalimala abashayeli abathathu engozini yezimoto eziningi neloli, emgwaqeni u-N3 phakathi kweToll Plaza yaseMarianhill neShongweni, entshonalanga yeTheku namhlanje.

Kusolwa ukuthi iloli ebelibheke eThekwini lehlulekile ukulawuleka lase lishayisa enye imoto, ladala ukuthi igingqike. Emva kwalokho kube sekushayisana ezinye izimoto eziningi.

Umgwaqo obheke eMgungundlovu usavaliwe ngenxa yokuchitheka kwempahla ebithwelwe yiloli.