IBAFANA NENSELELO YOKUSHAYA I-EGYPT

IBAFANA Bafana isiyidlulisile injabulo eyithole ngesikhathi ishaya i-Angola kanti manje isigxile  emdlalweni wayo ne-Egypt.

Lokhu kuvezwe umqeqeshi weBafana uHugo Broos, ngemuva kokuthi iqembu lakhe linqobe ngo 2-1 emdlalweni wokuqala kaGroup B kwi-AFCON 2025, izolo eMorocco. 

"Sijabule ngokunqoba umdlalo, manje sesigxile emdlalweni wethu olandelayo, esizowudlala ne-Egypt ngoLwesihlanu, " kubeka uBroos. 

I-Egypt izoya kulo mdlalo ihambela phezulu ngemuva kokushaya iZimbabwe ngo 2-1 izolo. Lokhu kwenza lawa mazwe alingane ngakho konke ku group B.

IBafana ne-Egypt bazodlala ngoLwesihlanu, enkundleni i-Estate Adrar, Agadir ngehora lesi 17h00 ntambama.