I-KRUGER UNITED INGOMPETHA BE-MOTSEPE FOUNDATION CHAMPIONSHIP

I-KRUGER United isinyuke ngokusemthethweni ibheke kwiBetway Premiership yesizini  ka 2026/27. Leli qembu laseMpumalanga liqinisekise ukunyuka kwalo ngokushaya iBlack Leopards  ngo 3-1 emdlalweni weMotsepe Foundation Championship (MFC) KaNyamazane Stadium, eMpumalanga namuhla.

Lokhu kuza ngemuva kokuthi iThe Village Boys ivule igebe lamaphuzu angu 8, kwilogi yeMFC, ngaphambi kwemidlalo embili kusongwe isizini ka 2025/26.

I-United  isungulwe ngonyaka ka 2023, iqale ukudlala kwiMFC ngonyaka ka 2024 njengoba selizodlala ezingeni eliphezulu ebholeni laseNingizimu Afrika. I-The Village Boys izobe ihlanganyela neTS Galaxy njengamaqembu aseMpumalanga esigabeni esiphezulu ngesizini ezayo.