I-CASRIC ETHUBENI LOKUQOPHA UMLANDO KWI NEDBANK CUP

ISETHUBENI elihle lokubhala umlando omusha kwiNedbank Cup 2026 iCasric Stars FC, yaseMpumalanga edlala kwiMotsepe Foundation Championship(NFD), njengoba izobhekana neDurban City FC kowandulela owamanqamu,  namuhla eChatsworth Stadium, eThekwini. 

Leli qembu laseMpumalanga lamangaza abalandeli bebhola, ngesikhathi lishaya i-Orlando Pirates kwi-Round 16, ngo 5-6 sekukhahlelwa amaphenathi ngemuva kokuba umdlalo uphele ngo 0-0.  ICasric iphinde yakhombisa ukuzimisela ihlula AmaZulu FC ngo 1-2 emdlalweni wama quarter-final. Nanamuhla iCasric isethubeni lokukhipha iCity edlala kwiBetway Premiership.

Omunye umdlalo weNedbank Cup, iTS Galaxy FC izokwamukela iMilford FC eSolom Mahlangu Stadium, eMpumalanga kusasa.