EZIBUHLUNGU KUMASIPALA UMKHANYAKUDE KUHOXISWA UXHASO

LINDOKUHLE NGCOBO

ISHOBOLO kuMasipala wesiFunda uMkhanyakude, uMnyango wezeziMali KwaZulu-Natal(KZN) uhoxisa uxhaso kulo Masipala. 

Kusolakala ukuthi lo Masipala ubungayigqizi qakala eyokusebenza ngokubambisana noMnyango. Njengoba kuvela ukuthi sekukaningi kuhoxiswa imihlangano ingakahlali ngezizathu ezingacacile. 

Lokhu kuholele ekutheni namuhla uNgqongqoshe walo Mnyango uMnuz Francois Rodgers ebhalele incwadi uMeya walo Masipala uKhansela uSiphila Mdaka, emazisa ngokusemthethweni ukuthi uMnyango uhoxisa uxhaso. 

"UMnyango unezinsiza ezinganele uyabahlunga oMasipala abadinga ukwesekwa. Sinxusa iziNhloko zoMasipala ukuba zizibophezela, zenze isiqiniseko sokuthi zisebenza ngokubambisana noMnyango. Kusobala ukuthi lokhu akukaze kwenzeke lana(UMasipala uMkhanyakude). Ngicele ithimba lami ukuba lihoxise uxhaso kulo Masipala ukuze sinikeze abaludingayo," kuchaza uRodgers esitatimendeni.