BEBEFUNELWA ICALA LOKUBULALA IPHOYISA ABABILI ABADUTSHULWE EHILLCREST

BEBEFUNELWA icala lokubulala iphoyisa abasolwa ababili abadutshulwe bafa namuhla eWaterfall, eHillcrest. 

Kuphinde kwavela ukuthi, laba basolwa bayathinteka ecaleni lokuphangwa kwemoto ethwala imali eVerulam ngesonto eledlule. 

Amaphoyisa agasele endlini ebeyihlezi abasolwa, angqongqoza emnyango azichaza ukuthi angabantu bomthetho. Nokho abasolwa laba banqabile ukuvula isicabha, bavulela ngenhlamvu bebhekise emaphoyiseni. Amaphoyisa aphindisele ngenhlamvu kwase kwalandela ukudubulana. Ngemuva kwesigameko sokudubulana abasolwa ababili badutshulwe bafa endaweni yesigameko. 

Kutholakale izibhamu ezingekho emthethweni neziqhumane endlini yabasolwa.