BAVELA NAMUHLA ABABOSHELWE UKUBAMBA INKUNZI

KULINDELEKE ukuthi bavele namuhla eNkantolo kaMantshi eThekwini, abasolwa abane. Laba basolwa okukhona kubo abesilisa abathathu nowesifazane, baboshelwe icala lokubamba abantu inkunzi e-Avoca, eThekwini.

Kukholakala ukuthi bebesebenzisa izibhamu ukwenza ubugebengu. Abasolwa babanjwe ngamaphoyisa eMhlanga.

Abomthetho badalule ukuthi basebenzise uhlelo luka 'Find my phone' ukuthola abasolwa.

"Emotweni yabasolwa sithole izibhamu ezingekho emthethweni ezimbili, izinhlamvu nenqwaba yomakhalekhukhwini," ngokusho kwesitatimendi samaphoyisa.